Junge Burgergemeinde Bern
Menu

Was ist die JuBu?

Im Januar 2018 wurde die Spezialkommission «JuBu» vom Kleinen Burgerrat ins Leben gerufen. Sie hat in erster Linie das Ziel, die jungen Burgerinnen und Burger untereinander zu vernetzen und diesen die Burgergemeinde Bern und ihre Tätigkeiten näher bringen. Dafür realisiert die JuBu-Kommission seither mit viel Motivation und Herzblut Projekte und Events. Das ganze Angebot richtet sich an alle Angehörigen der Burgergemeinde Bern zwischen 16 und 30 Jahren.

Philippe Matthys

Ig bi 30i u wohnä am Loryplatz ir Stadt Bärn.
I mirä Freiziit gani i jederä freiä Sekunde id Bärgä ga Snowboarde. Wes mau ke Schnee het de spili Lacrosse odr reläxä ar Aare. Ig bi sit em 2018 Präsident vor JuBu. I chas chum erwarte mit dr JuBu u dä jungä Burgerinne u Burger cooli Events ds erläbä!

Lara Gaschen

I bi 26gi u wohne ir Elfenau.
I ha dä Summer mis BWL Studium ar Uni Bärn abgschlosse u befindemi brueflech grad ire Usprobier- und Orientierigsphase. I bi es Summerchind, liebe dr Summer u reise drum immer sehr gärn dert härä wos warm isch. Wenn oh nid so fest wi dr Summer, hani oh dr Winter gärn, am aueri liebste i dä Bärgä. I fröie mi sehr chani bir JUBU mitwürke, so viu erläbä u vor auem so viu tolli lüt kenne lerä!

Carole Vogt

I bi 28gi u wohnä ds Muri b. Bern.
I ha ds Fribourg IUS-studiert und lernä im Momänt grd für d’Awautsprüefig. Um dr Chopf chli ds abechüelä ga i im Summer gärn mit Fründe e Schwum id Aare ga näh. Im Winter bini ne liedeschaftlechi Skifahrerin u verbringe drum vieu Zit i de Bärge. I freue mi ir JUBU chöne drbidsi und im Team so vieli interessanti Sache chöne uf d’Bei steue.

Valérie Staub

I bi 29gi und wohne ir Länggass
Nach dem ig vor es paar Jahr mi Master in Arbeitspsychologie ar Uni Fribourg abgschlosse ha, bini sithär uf dr Mission, ä Biitrag drzue z leischtä, ds d Lüüt gärn gö ga schaffe u so ou am Fyrabe e gueti Luune hei.
Mi Fyrabe verbringi im Summer am liebschtä ir oder uf dr Aare. Ir dunkle Jahreszyyt bini gärn uf de Schi, uf de Schlöf oder ufem Wiehnachtsmärit! 😉 ..u aus das am liebschtä mit mine Fründe.

Marie-Louise Grossrieder

I bi 29gi, läbe zur Zyt ir Länggass u dört dueni o gad studiere.
I ha vor 2 Jahr d Richtig vo Geisteswüsseschaft uf Medizin gwächslet und mi fürnes zwöits Studium entschide, was für mi immer wieder ä Heruseforderig isch. D Medizin beasprucht fasch alli mini Zyt aber zwüschdüre längts glich für angeri erfrüschendi Sache wie ä Bädu ir Aare oder äs chüehls Bier vorem Progr u d JuBu ghört zu dene Sache natürlech o drzue!

André Semadeni

23i, irgendwo zwüsche Bärn und Züri
Lette statt Autebärgstäg, ds isch ke Gwöhnigssach, sondern reini Symptombekämpfig.
Vor zwöi Jahr ziehts mi ab uf Züri ga Umwäutwüsseschafte studiere, momentan in Leningrad ufe russisch Winter am warte, z’Härz aber in Bärn zrüggla.
Äue z’viu Lideschafte füre churz Text hie, gärn aber mau meh a eim vo üsne Events ;-)

Oliver Gurtner

I bi 28 jährig und läbä im Breitsch ds Bärn.
Zur Zyt bini gad ir Usbiudig zum Notar. I mirä Freizyt machi Usdursport, vorauäm äs schöns Velotourli machi sehr gärn. Am Samsti Abä oder Sunnti Nami gani oft its Stadion, denn i bi lidäschaftlächä YB Fan. Bir JuBu bini sit 2018 drbi und i freu mi no viu interessanti Sachä ds machä.

Oliver Ludwig

Zur Zyt bini grad in Züri am studiere.
I mirä Freizyt spili Tennis u bi gärn in ganz Europa unterwägs.Als lideschaftlichä YB Fan darf natürlech o dr regumässig Stadionbsuech im Wucheprogramm nid fähle. Bir JuBu bini sit 2018 drbi und bi zuständig für sämtlechi Social Media Uftritte u alli grafische Ufgabe, wie zum Bispiu d Flyer.